ཉེན་ལ་གཱརང་གི་ གསུང་རབ་གི་ཚིག་བཅད།
ཁིརཱིས་ ཁྲམ་ཤིང་གུ་གཤགསཔ་ད་ ང་ཡང་ཁོ་དང་གཅིག་ཁར་ཤི་སོངམ་བཟུམ་སྦེ་ཨིན་ ད་ལྟོ་ང་རང་གིས་འབད་ གསོན་པོ་སྦེ་སྡོདཔ་མེན་ དེ་འབདཝ་ད་ ཁིརཱིས་ངེ་གི་ནང་ན་བཞུགས་ཡོད་ དེ་ལས་ང་མི་ལུས་ནང་སྡོད་དེ་ དཀོན་མཆོག་གི་སྲས་ ང་ལུ་བྱམས་པ་མཛད་མི་དང་ ཁོ་རང་གི་སྐུ་ཚེ་ང་ལུ་གནང་མི་དེ་ལུ་ དད་པ་བསྐྱེད་དེ་སྡོདཔ་ཨིན།
ག་ལ་ཏི་ 2 20ཁེངས་རིགས་རྣམ་གསུམ་གི་ཡོངས་འབྲེལ་ཁ་བྱང་ན་ འབྱོན་པ་ལེགས་སོ།
ཁེངས་རིགས་རྣམ་གསུམ་ཤོ་ གཞལམ་སྒང་རྫོང་ཁག་ན་ཆགས་ཚེ་ནག་ལོབ་ཝེན། འོང་ཀའི་ཡང་ སོ་ནམ་དང་སྐྱེ་ལྡན་གནས་སྟངས་གི་ ས་ཁོངས་གསུམ་ན་ དབྱེ་བ་ཕི་ཟི་ནག་ལོབ་ཝེན། ཕྱི་བསྐོར་ འོང་ཀའི་ནང་གོ་ རྒན་འོག་བཱར་དོ་ནིང་ ཤིང་ཁར་ ཧི་ནིང་ ནང་བསྐོར་ འོང་ཀའི་ནང་གོ་ རྒད་འོག་ནང་ཁོར་ནིང་ ཀྲོང་ ཧི་ནིང་ ཐེག་ཤོ་ ཁེངས་སྟག་མ་ཕྱོགས་ འོང་ཀའི་ཅེ་ནང་གོ་རྒད་འོག་ འཕངས་ཁར་ གོ་ཤིང་ ངང་ལཱག་ ཧི་ནིང་ ཇོ་ཀཱ་བག་ཚཱུད་ལོབ་ཝེན།
རྒྱལ་རབས་ན་བུ་ན་ནེ་ དུས་རབས་ཆེར་སྙིད་ཚོན་ཚོད་ ཁེངས་ལུང་ཕྱོགས་ཤོ་གཅིག་སྒྲིལ་བུ་ཟི་མུད་པའི་ནེང་རྟེན་ཟེ་ ས་གནས་ཕེ་ཏེ་ ཀོརོན་པའི་འགོ་དཔོན་བག་གི་དབང་ཟི་ཉིག་ནག། གནམ་ལོ་༡༦༥༥ ན་ གཞལམ་སྒང་རྫོང་ཁག་ན་ ཐོག་ཐེག་བུ་ཁཱན་ རྫོང་ (རྫོང་ཁག) བཞེངས་གེ་སྒང་ན་ འབྱུང་རིམ་ཆིད་པུ་ཐེག་བྱུང་ནག།
གཞལམ་སྒང་ཤོ་ སྲོག་ཆགས་སྣ་ཚོགས་ནག་ཁཱན་ས་གནས་ཐེག་ཝེན་པམ་ཅེ་མེ་དོ་རོ་ འོང་ཀའི་ཅེ་ནང་གོ་ སཱུར་དཱང་ལེགས་མོ་བག་ནག་ལོབ་ཝེན། ཧི་ནིང་ སཱུར་དཱང་ནང་གོ་ རི་ནའི་རིགས་བག་དག་ཏེ་ འོང་ཀའི་ནེང་ཡང་ རག་ཤཱ་པ་བག་ནག་ལོབ་ཝེན་ཏག། ཧི་ནིང་ འོང་ཀའི་སཱུར་དཱང་ཤོ་ འབྲུག་གི་ས་གནས་ཟུར་ཏོ་ཆགས་ཚེ་ནག་ལོབ་ཝེན།
འོང་ཀའི་ཅེ་ནང་གོ་ བཱོན་གི་ཆོས་ལུགས་བག་ཉིག་ནག། ད་ར་ཡང་ ནང་པའི་ཆོས་ལུགས་ནེང་གྲ་ཚའི་ ཆཱོད་བག་བུ་ཟི་ནག་ལོབ་ཝེན། གཞལམ་སྒང་གི་མི་སེར་བག་ལམ་ལུགས་ཐེག་བུ་ཟི་ བོ་ཏའི་ལམ་ལུགས་ནིང་ ཞབས་ཁྲ་ ཧི་ནིང་ པཱའི་བིང་གི་ཁེར་ཁཱན་ཅ་ལ་བག་ ཁེར་ཏེ་ན་ལྕོགས་གྲུབ་ཅན་ཐེག་ཉིག་ནག།
བར་ཏེ་ནེང་ ཁེངས་རིགས་རྣམ་གསུམ་ཤོ་ གནམ་ལོ་ ༢༠༡༤ གི་ཟླ་ཝ་ ༨ པ་ན་གཞལམ་སྒང་གི་སོ་ནམ་པ་བག་གི་བུ་ཟི་འགོ་ཙཱོད་ཚེ་ནག་ལོབ་ཝེན། མཉམ་ལས་བག་གི་ དམིགས་གཏད་བག་ཡང་ གཞལམ་སྒང་རྫོང་ཁག་གི་ མི་སེར་བག་གི་ འཚོ་བའི་མཐུན་རྐྱེན་ཡར་རྒྱས་ཐུང་གེ་དཱོན་དོ་ཝེན་ཏག། རྒེད་འོག་ནེང་འཛིན་སྐྱོང་པ་བུ་ཟི་ཐེག་ཏེ་ བཱོད་སྡེ་ཚན་བསྡོམ་ན་འཐུས་མི་ཇཱད་གི་བཅའ་མར་གཏོགས་ནག།
འོང་ཀའི་ཅེ་བུ་ཟི་ ཁེངས་རིགས་རྣམ་གསུམ་ཤོ་ མིང་ཐེག་མིན་པམ་ འོང་ཀའི་ཅེ་ནང་གོ་ལམ་ལུགས་གི་ཤུལ་ནོར་ནིང་ སྲོག་ཆགས་སྣ་ཚོགས་ ཧི་ནིང་ གཞལམ་སྒང་རྫོང་ཁག་ན་ མི་སྡེ་གོང་འཕེལ་གི་དཱོན་དོ་ ལས་འགུལ་བག་ཡང་ ཕྲོད་ཐུའུ་ཟེ་བུ་ཟི་ནག་པའི་ལུང་ཕྱོགས་ཏཱུན་ལོབ་ཝེན་ཏག།
རྫོང་ཁག་གི་མི་སེར་བག་ མང་ཝ་རང་ བཱང་ག་ལཱ་ནིང་ ཨ་ལཱན་ཅི་ ཧི་ནིང་ ཕི་ལིང་ཀཱི་ ཆུན་བཱ་ དཱོམ་བཱ་ ཀཱར་ མུ་དའི་བརད་མ་བག་ཐུང་ཟི་ཉིག་ནག། རྫོང་ཁག་གི་ལྷོ་ལོག་ཀོ་ནིང་ བར་ནའི་རྒད་འོག་བག་ན་ འོང་འབབ་གི་འབྱུ་ཀཱ་ཅཱན་ཁེར་ཏོ་ཚུགས་ཁཱན་ ཆཱུན་བཱ་བག་ཝེན་ཏག། ཧི་ནིང་ ནུབ་ལོག་ནའི་རྒད་འོག་གི་མི་བག་ཤོ་ གཙོ་བོ་ སེམས་ཅན་གསོ་སྐྱོང་གི་ཐོགས་ནེང་ འོང་འབབ་ཀཱ་ཅཱན་མྱེང་ཟེ་ཉིག་ནག།
མེ་ཐེའུ་ ༢༨:༡༨-༢༠
ཧི་ནིང་ ཡེ་ཤུ་བྱོན་ཟེ་ཝའི་ བཱོད་བག་ན་གསུངས་ནག་ ཐོ་རེ་ནིང་ འཛམ་གླིང་ིགི་དབང་ཚད་ཐམས་ཅད་རང་ ངཱད་ན་གནང་པམ་ནག། འོང་ཀའི་ཅེ་བུ་ཟི་ མི་རིགས་ཐམས་ཅཱད་ ཁ་ཏོ་གའི་ཟེ་ཝའི་ སློབ་མ་ཁེར་ལའི། ཧི་ནིང་ བཱོད་བག་ན་ ཡབ་ནིང་ སྲའི་ ཧི་ནིང་ དམ་པའི་ཐུགས་ཉིད་གི་མཚན་ན་ ཁྲུས་གསོལ་བི་ཡའི། ཧི་ནིང་ ངའི་ ཝིན་ན་བཀའ་བི་ཁཱན་ཐམས་ཅཱད་རང་ ཉཱན་དེ་ དཱོན་ནེང་ བཱོད་བག་ན་ སྨད་ཚེ་བི་ཡའི། སེམས་ན་བེལེག་ལའི་ འཛམ་གླིང་རྟེན་པ་མ་ནོབ་བར་ཏེ་རང་ ངད་ ཝིན་ཉམ་ཕུང་རང་ནག་བུ་ཟི།
